Rus hərbçiləri ingilis əsgərə dəhşətli işgəncə verib

“Nə qədər işgəncəyə məruz qaldığımı dəqiq bilmirəm. Bunu təxmin etmək çətindir və kimsə mənə əzabın bir neçə gün davam etdiyini desəydi, inanardım. Amma sınmadım. Özümə gələndə başımın arxasına tapança dayadılar. Qorxmadım, onlara dedim ki, bunu edəcəklərsə, tez etsinlər. Sonra başımın arxasına bir zərbə hiss etdim”.

Reyting.az xəbər verir ki, bunu Rusiyada əsirlikdə olan Şon Pinner deyib.

O, Ukraynada ruslara əsir düşdükdən sonra başına gətirilən işgəncə və qeyri-insani rəftarla bağlı kitab yazıb.

Təqaüddə olan britaniyalı əsgər Şon Pinner ukraynalı ailəsi ilə Mariupolda dinc və xoşbəxt yaşayıb. Putin qüvvələri 2022-ci ilin fevralında genişmiqyaslı hücuma başlayanda Şon Mariupolda şən həyatına davam edirmiş.

Keçmiş əsgər olan Şon baş verənləri “yaxşılıqla şər arasında döyüş” kimi qəbul edib və evini müdafiə etməyə gedib. 2022-ci ilin aprelində o, Rusiya tərəfindən əsir götürülüb. Əsirlikdən qayıtdıqdan sonra, Şon Pinner kitab yazıb və orada Rusiya xüsusi təyinatlılarının əməliyyatçıları olduğuna inandığı adamlar tərəfindən necə şiddətli işgəncələrə məruz qaldığını təfərrüatı ilə izah edib.

“Cavab verə bilmədim. Kəkələyirdim, şok vəziyyətində idim, döyülməkdən çənəm hələ də titrəyirdi. Sonra bıçağın titrəyişini hiss etdim. Mən reaksiya vermədən ayağımı kəsdi”, - Şon işgəncəni xatırlayır.

Ş. Pinner yazır ki, onu “kabab əti” kimi doğrayıblar: “Dəhşət içində yaraya baxdım və qışqırdım. Böyük bir ət parçası manqal əti kimi kəsildi. Yerdə qan dənizi vardı və bu yaradan sağ-salamat çıxmaq ümidi yox idi. Ancaq həyat yoldaşım Larisanın sözləri beynimdə fırlanırdı - Yaşa, mübarizə apar və sağ qal”.

Ruslar Şondan haralı olduğunu soruşublar. Keçmiş əsgər olan Şonun Mİ6-nın (Britaniya Gizli Kəşfiyyat Xidməti) kəşfiyyatçısı olub-olmadığı şübhələrə yol açıb.

“Sonra kimsə çiyinlərimdən tutdu və maskalı lentin çatladığını və cırıldığını eşitdim. Aşağı baxanda kimsə köhnə mavi köynəyi budumu bürümüşdü. Üstümə kapüşon qoydular, sonra məni sürüyüb avtomobilin gövdəsinə itələdirlər. Titrəməyə başladım, baş verənlərdən şokda idim. Əsgərlərdən biri qulağıma pıçıldadı ki, tərpənməməliyəm, yoxsa güllələnəcəyəm”,- Şon xatırlayır və deyir ki, onu Donetskə aparıblar:

“Otuz dəqiqə sonra maşın dayandı və məni nəhəng bir alış-veriş çantası kimi maşından çıxartdılar. Yeni qapılardan və digər dəhlizlərdən zorla keçərkən özümü keçmiş Ukrayna polis bölməsinə aparırlar kimi hiss etdim. Görünür, Rusiya xüsusi qüvvələr ondan baza kimi istifadə etdilər. Sonra məni vannaya oxşayan bir yerə qoydular.Yer rütubətli idi; ölüm qoxusu gəlirdi, amma nə lavabo, nə tualet, nə də duş var idi. Qorxudan sinəm sıxıldı. Döşəmədəki drenaj çuxuru elə yerləşdirilib ki, hər hansı bir qan və ya diş izi, hətta barmaqlar və ya ayaq barmaqları da şlanqla yuyula bilsin”.

Daha sonra Şon çiyinlərinə Ukrayna bayrağı dolanmış taxta kresloya bağlanıb: “Heç bir xəbərdarlıq etmədən elektrik bədənimə dəydi. Ağrı ayağımdakı yaradan da güclü idi və hiperaktiv qıcolmada dik oturmaq məcburiyyətində qaldım, sümüklərim sıxıldı. Elektrik kəsiləndə mən kresloya düşdüm”,- Şon kitabında yazır.

Rus xüsusi təyinatlıları ondan daim kəşfiyyatçı, yoxsa snayper olduğunu soruşublar. Onun sözlərinə görə, ruslar onun profilini sosial şəbəkələrdə tapıb və qarşılarında kimin olduğunu anlayıblar:

“Onların əllərində artıq mənim profilim var idi. Sonra telefonla üzümə vurdular. Çünki çiyinlərimdə Ukrayna bayrağı olan kresloda çəkilmiş videom var idi”.

ELÇİN

Ana səhifəyə dön