Bu gün Moskvadakı “Qrad Moskovski” yaşayış kompleksinin yaxınlığında “Land Cruiser 200” Prado markalı avtomobil partlayıb.

Reyting.az “The Moskov Times” qəzetinə istinadla bildirir ki, avtomobilin sahibi Rusiya raket texnologiyaları üçün istiqamətləndirmə sistemlərinin hazırlayan şirkətdir.

Zərbə dalğası bir neçə mənzilin pəncərələrini sındırıb.

Nəşrin məlumatına görə, avtomobil dərhal alovlanıb və tamamilə yanıb. Partlayış zamanı avtomobildə heç kim olmayıb.

Rusiyanın “112” Telegram kanalı bildirir ki, yanmış avtomobil 41 yaşlı fizika-riyaziyyat elmləri doktoru və Stelmax Polyus Tədqiqat İnstitutunda kvant elektronikası üzrə mütəxəssisin sərəncamında olub. “Rostec”in törəmə müəssisəsi olan bu institut, raketlər də daxil olmaqla, yüksək dəqiqlikli silahların naviqasiyası üçün lazer məsafəölçənləri, hədəf göstəriciləri və giroskoplar hazırlayır.

Yerli sakinlər rusiyalı jurnalistlərə bildiriblər ki, avtomobilin idarə edən Yevgeni Rıtnikov hazırda Cənub-Şərqi Asiyadakı bir ölkədə işgüzar səfərdədir.

V. QULİYEV