Rus ordusu Ukraynanın Dnepropetrovsk bölgəsinin Pavloqrad rayonundakı Ternivkaya hücum edərək iki nəfəri öldürüb.

Reyting.az xəbər verir ki, bunu Dnepropetrovsk regional polis idarəsinin rəis vəzifəsini icra edən Vladislav Qayvanenko bildirib.

“43 və 50 yaşlarında kişilər həlak olub. Daha üç nəfər xəstəxanaya yerləşdirilib. Yaralılarda 65 yaşlı kişi və qadının vəziyyəti ağırdır. 18 yaşlı kişinin vəziyyəti orta-ağırdır”, - deyə rəsmi əlavə edib.

Qayvanenkonun sözlərinə görə, hücum yanğına səbəb olub, şəxsi evi qismən məhv edib və altı evə ziyan vurub. Qarajlar və avtomobillər də atəş nəticəsində zədələnib, bir avtomobil isə tamamilə məhv olub.

“Düşmənin bir PUA-sı Sinelnikiviski rayonunun Vasilkiv icmasına da zərbə endirib. İnfrastruktur zədələnib. Düşmən Nikopol bölgəsində FPV dronlarından istifadə edərək Nikopol və Marhanets icmasını vurub. Ukrayna Hava Hücumundan Müdafiə Qüvvələrinin məlumatına görə, səma müdafiəçiləri Dnepropetrovsk bölgəsində dörd dronu vurublar”,- qeyd edilib.

Qeyd edək ki, dekabrın 1-də Rusiyanın Dnepr çayına raket zərbəsi nəticəsində dörd nəfər həlak olub, 40 nəfər yaralanıb.

V.QULİYEV