Ermənistan Milli Təhlükəsizlik Xidməti arxiyepiskop Arşak Xaçatryanı İstintaq Komitəsinin binasında saxlayıb.

Reyting.az Ermənistan KİV-lərinə istinadla bildirir ki, bu barədə vəkil Arsen Babayan məlumat verib.

Xatırladaq ki, Arşak Xaçatryan dünən keçirilən mətbuat konfransında istefa vermək niyyətində olmadığını bildirib. O, ona qarşı təqibləri və kampaniyanı hökumət siyasətindəki mövqeyi ilə əlaqələndirib.

"Ölkənin hazırkı lideri onun maraqlarına və mənəvi mənafelərinə xidmət edəcək və heç bir şəkildə onun siyasətinə qarşı çıxmayacaq idarəolunan, itaətkar ruhanilərə sahib olmaq istəyir", - deyə arxiyepiskop Arşak Xaçatryan bildirib.

O, həmçinin müxtəlif MTX rəsmiləri ilə bir neçə dəfə görüşdüyünü, lakin adlarını çəkmək istəmədiyini deyib. "Məni MTX-yə çağırmayıblar. Heç bir bildiriş yox idi, sadəcə, görüşlərə dəvətnamələr var idi və biz görüşdük. Həmin görüşlərdə onlar mövqelərini bildiriblər. Müəyyən hərəkətlərə işarələr var idi", - deyə arxiyepiskop əlavə edib.

V. QULİYEV