Britaniya kəşfiyyatının (MI6) yeni rəhbəri Blez Metreveli “aqressiv və ekspansionist” Rusiyaya sərt reaksiya verərək, Kremlə Britaniya casuslarının Ukraynanı tərk etməyəcəkləri barədə xəbərdarlıq edib.

Reyting.az Britaniya mediasına istinadla bildirir ki, MI6-nın qərargahında ilk çıxışında Metreveli Britaniyanın Kiyevə sarsılmaz sadiqliyini bəyan edib.

“Putinin dəstəyimizin sarsılmazlığına şübhəsi olmamalıdır. Ukraynanın maraqları naminə tətbiq etdiyimiz təzyiq davam edəcək. Xaosun ixracı səhv deyil, Rusiyanın beynəlxalq əməkdaşlığa yanaşmasının xüsusiyyətidir və biz Putin fikrini dəyişməyə məcbur olana qədər bunun davam etməsinə hazır olmalıyıq”,- Britaniyanın baş kəşfiyyatçısı bəyan edib.

Britaniya mediası xatırladır ki, bu açıqlama ABŞ prezidenti Donald Tramp administrasiyası “sülh sazişi”ndə israr etməyə və Ukraynaya əhəmiyyətli ərazi güzəştləri əldə etmək üçün təzyiq göstərməyi bir vaxtda verilib.

Qeyd olunur ki, Rusiya əvvəllər Avropaya qarşı hibrid müharibə aparmaqda, kiberhücumlar və dronlardan istifadə edərək panik yaratmaq cəhdində ittiham olunub.

Britaniya hərbi kəşfiyyatı həmçinin xəbərdarlıq edib ki, Putin dəniz donanmasını vacib sualtı kabelləri və boru kəmərlərini hədəf almaq üçün modernləşdirir.

Xatırladaq ki, Metreveli bu ilin əvvəlində MI6-ya rəhbərliyi öz üzərinə götürməklə, 116 illik tarixində xarici kəşfiyyat xidmətinə rəhbərlik edən ilk qadın olub.

V. QULİYEV