“Rusiyanın Sovet İttifaqının təsir dairələrini bərpa etməyi planlaşdırması barədə məlumatlar həqiqətə uyğun deyil”.

Reyting.az xəbər verir ki, bunu Kremlin mətbuat katibi Dmitri Peskov bildirib.

Onun sözlərinə görə, bu məsələ ilə məlumatlar qətiyyən doğru deyil.

Qeyd edək ki, daha əvvəl Ukrayna kəşfiyyatının rəhbəri Kirill Budanov Rusiyanın Baltikyanı ölkələr və Polşa üçün planlarını açıqlayıb. Budanov deyib ki, Avropa ölkələri Rusiyanın hücumuna 2027-ci ildən etibarən hazır olmalıdırlar.

Kəşfiyyat rəhbəri hesab edir ki, bunun səbəbləri Rusiya dünyagörüşünə əsaslanır, çünki bir imperiyanın inkişafı üçün onun daim təsirini və ərazisini genişləndirməsi lazımdır və bu, Rusiyanın fikrincə, yeganə “təhlükəsiz” istiqamətdir.

Onu da qeyd edək ki, “Reuters” agentliyinin yazdığına görə, ABŞ kəşfiyyatı Putinin Baltikyanı ölkələrin işğalına hazırlaşdığını təsdiqləyib. Xüsusilə, bu, Rusiyanın bütün keçmiş Sovet ərazilərini Moskvanın nəzarətinə qaytarmaq planına aiddir.

“Kəşfiyyat həmişə Putinin daha çox şey istədiyini göstərib. Avropalılar buna əmindirlər. Polyaklar buna tamamilə əmindirlər. Baltikyanı ölkələr özlərini [Rusiya işğalı üçün] birinci növbədə görürlər”, - deyə Demokrat və Nümayəndələr Palatasının Kəşfiyyat Komitəsinin üzvü Mayk Kuigli bildirib.

E. KAMAL