İraqın paytaxtı Bağdad şəhərində 19 mindən çox küçə itini öldürüblər.

Reyting.az xəbər verir ki, bu, böyük diqqətə səbəb olub.

Bağdad bələdiyyəsinin sözçüsü Uday əl-Cəndil deyib ki, 2025-ci ilin yanvar - noyabr tarixləri arasında şəhərin müxtəlif yerlərində sayı sürətlə artan və ictimai sağlamlığa ciddi təhlükə yaradan 19 mindən çox küçə iti məhv edilib.

O, prosesin Daxili İşlər Nazirliyi və Baytarlıq İdarəsi ilə tam koordinasiyada aparıldığını vurğulayıb.

Uday əl-Cəndil əməliyyatlarda mütəxəssis snayperlərin yerləşdirildiyini və icra zamanı Baytarlıq İdarəsi nümayəndələrinin də iştirakını xüsusi qeyd edib.

Əməliyyatların demək olar ki, hər gün davam etdiyini bildirən bələdiyyə əməkdaşının sözlərinə görə, məhv edilən itlərin sağlamlıq və ətraf mühit qaydalarına uyğun olaraq toplanıb və paytaxtın Nəhrəvan rayonundakı bərk tullantılar müəssisələrinə daşınıb.

Bu arada, dünən paytaxtda kuryer işləyən 36 yaşlı Həmzə Barani Şemşir quduz it tərəfindən dişləndikdən sonra həyatını itirib. Şemşirin ailəsi bildirib ki, kuryer dişləndikdən sonra lazımi müalicəni alsa da, yalnız 40 gün sonra simptomlar özünü göstərib.

Ailədən deyiblər ki, ölümündən əvvəlki son günlərdə bədbəxt gənc quduzluğun tipik bir simptomu olan su qorxusu səbəbindən yemək yeməyi dayandırıb və su gördükdə isterik tutmalar keçirib.

V. QULİYEV