Gürcüstan Dövlət Təhlükəsizliyi Xidmətinin (DTX) keçmiş rəhbəri Qriqol Liluaşvili saxlanılıb.

Reyting.az xatırladır ki, o, bu ilin aprel ayına qədər DTX-nin rəhbəri vəzifəsində çalışıb.

Bu səhər Liluaşvili saxlanıldığı məhkəmə çağırışından sonra dindirilmək üçün prokurorluğa gəlib. Jurnalistlər onun həbs olunacağını gözləsələr də, bu barədə soruşulduqda Liluaşvili “Allahın iradəsi olsun” cavabını verib.

Liluaşvilinin həbsi gözlənilən idi - onun yaxın çevrəsinin bir neçə üzvü əvvəllər saxlanılıb.

Baş prokuror Giorgi Qvarakidze brifinqdə Liluaşvilinin bir neçə cinayət işində rüşvət almaqda ittiham olunduğunu açıqlayıb.

Liluaşvili Gürcüstan Cinayət Məcəlləsinin 338-ci maddəsi, “Bir qrup şəxs tərəfindən əvvəlcədən əlbir olmaqla xüsusilə külli miqdarda rüşvət alma” ilə ittiham olunur. Onu 11 ildən 15 ilə qədər həbs cəzası gözləyir.

Hazırda “Liluaşvili işi”nin ən azı dörd maddə ilə əlaqəli olduğu məlumdur.

V. QULİYEV