İran parlamenti hökumət tərəfindən düzəlişlər təqdim edildikdən sonra gələn il üçün yeni büdcə layihəsini (İranda yeni 1405-ci il 21 mart 2026-cı ildə başlayacaq) təsdiqləyib.

Reyting.az-ın məlumatına görə, İran parlamentinin açıq iclasında 171 deputat yeni layihənin lehinə, 69 üzv əleyhinə səs verib, 6 üzv isə bitərəf qalıb.

Yenilənmiş sənəddə dövlət qulluqçularının maaşlarında 20 faiz artım əvəzinə, tədricən 43 faizə qədər artım nəzərdə tutulur. Dəyişikliklər əlavə dəyər vergisinə də təsir edir: 12 faiz əvəzinə 10 faiz təsdiqlənib. Əhali üçün bir sıra prioritet sahələrdə subsidiyalar da artırılıb.

Dekabrın 30-da Məclisin müvafiq komitəsi hökumətin əvvəllər təqdim etdiyi büdcə layihəsini rədd edərək, sənəddə insanlara, bazara və istehsal sektoruna daha çox diqqət yetirilməli olduğunu bildirmişdi. Elə həmin gün İran prezidenti Məsud Pezeşkian parlament sədri Məhəmməd Bağır Qalibaba məktub göndərərək hökumətin büdcə layihəsinə lazımi düzəlişlər etməyə hazır olduğunu bildirmişdi.

V. QULİYEV