Rusiyanın Sankt-Peterburq şəhərindəki Birinci Qərb Dairə Hərbi Məhkəməsi məktəb stendində "Rus Könüllü Korpusu" döyüşçülərinin fotolarını yerləşdirən 17 yaşlı məktəbli Yeva Baqrovanı 4 il azadlıqdan məhrum edib.

Reyting.az xəbər verir ki, bu barədə "Verstka" nəşri həbs edilmiş məktəbli qızın vəkilinə istinadla məlumat yayıb.

Hökm 2025-ci ilin oktyabrında çıxarılsa da, bu günədək açıqlanmamışdı. Y. Baqrova terrorizmə bəraət qazandırmaq (CM 205.2), eyni zamanda Rusiya Federasiyasının Cinayət Məcəlləsinin 205. 1 maddələrinə əsasən, terrorçu fəaliyyətinə yardım etmək maddələri ilə təqsirli bilinib.

Müdafiə tərəfi hökmdən apellyasiya şikayəti verib. Vəkil nəşrə deyib ki, Y. Baqrova ilə bağlı apellyasiya şikayətinə baxış 22 yanvar tarixinə təyin edilib.

Sankt-Peterburq məktəblisi tərəfindən törədilən cinayət işi 2024-cü ilin sonunda məlum olub və Y. Baqrova dərhal, həm də məktəbin şikayəti əsasında həbs olunub. Saxlanıldığı zaman 8-ci sinifdə oxuyan Y. Baqrovanın 16 yaşı olub.

Oqtay QORÇU