Artur Vanetsyan: “Nikol Paşinyana təhlükəsizlik zəmanəti verəcəyik”

“Baş nazir Nikol Paşinyanın istefasını tələb edirik. Nikol Paşinyanın gedəcəyi aydındır, onun hakimiyyətdə qalması qeyri-mümkündür. Əgər 10 gün əvvəl bu qərarı versəydi, bu gün Azəraycanla sərhəd bölgəsi Vardenisdə olmazdı, Ermənistanın təhlükəsizliyi təhdid altında qalmazdı, “Dadivank” monastırı azərbaycanlıların nəzarətinə keçməzdi və s”.

Reyting.az xəbər verir ki, bu bəyanatla Vətən Partiyasının sədri, Ermənistan Milli Təhlükəsizlik Xidmətinin sabiq rəhbəri Artur Vanetsyan çıxış edib.

Müxalifət siyasətçisi Paşinyanın istefa vermək istəməməsinin ölkə iqtisadiyyatına ciddi ziyan vurduğunu iddia edib:

“Mən mitinqdə demişdim ki, Nikol Paşinyan hər gün vəzifəsində qalması ilə iqtisadiyyatımız gəlirlərini itirir, nəticədə vətəndaşlar kasıb vəziyyətə düşürlər. Nikol Paşinyanın hər gün hakimiyyətdə olması onun oğurladığı deməkdir. Bir qərar verməlidir. Heç nədən asılı olmayaraq Nikol Paşinyanın fiziki təhlükəsizlik zəmanətlərinə sahib olması üçün hər şeyi edəcəyik. Ancaq kreslosundan yapışmağa çalışması böyük bir problem yaradır”.

A. Vanetsyan əlavə edib ki, sona qədər mübarizə aparacaqlar: “Nikol Paşinyan artıq Ermənistanın Baş naziri ola bilməz. Müharibədən əvvəl onunla siyasi müzakirə apara bilərdik, ancaq müharibədən sonra onun vəzifədə qalması üçün nə mənəvi, nə də hüquqi əsası var. Ermənistan Respublikası və erməni xalqı belə bir liderə sahib ola bilməz”.

A. Vanetsyan qeyd edib ki, N. Paşinyanın ən böyük problemi qərar qəbul edə bilməməsidir: “Hökumət başçısının, yüksək səviyyəli bir məmurun bir vəzifəsi var - müxtəlif mənbələrdən məlumat əldə etmək, təhlil etmək və dəqiq qərar vermək. Müharibə sentyabrın 27-də başlayıb. Bundan bir neçə gün sonra Baş Qərargah rəisi Nikol Paşinyana müqavimət göstərməyə hazır olmadığımızı, bu müharibəni uduzacağımızı və bunun tez bir zamanda dayandırılmalı olduğunu deyib. Nikol Paşinyan isə qərar verə bilmədi. Əgər o gün bir qərar versəydi, bəzi ərazilərimizi itirərdik, ancaq itki demək olar ki olmazdı”.

A. Vanetsyan N. Paşinyanın 19-20 oktyabr tarixlərində Rusiya prezidenti Vladimir Putinin təklif etdiyi qərarla razılaşmadığı hada məqamı da məsəl kimi göstərib: “Paşinyan bir daha qərar verə bilmədi. Nəticədə bizə qalan ölən, itkin düşən hərbçilərimiz və xarab olmuş iqtisadiyyatımız qaldı. Bu adam qərar verə bilmir. Dövlət adamının belə bir bacarıqda olması vacib olsa da, Paşinyan buna malik deyil”.

Qeyd edək ki, A. Vanetsyan Ermənistanda perspektivli siyasətçilərdən hesab olunmaqla yanaşı Rusiya ilə yüksək səviyyəli əlaqələrə malikdir. “KQB” məktəbinin uğurlu məzunlarından hesab olunan Vatesyanın son anda Moskva tərəfindən dəstəklənəcəyi proqnozlaşdırılır.

Ana səhifəyə dön