Rusiyanın iki kəşfiyyatçısı niyə həbs edilib?

Rusiya prezidentinin göstərişi ilə həbs olunan iki yüksək rütbəli kəşfiyyatçının əməliyyat vəsaitlərini mənimsədiyi iddia edilsə də, Qərb mediası bunun sadəcə bir bəhanə olduğunu və Putinin Ukrayna müharibəsində uğursuzluqda kəşfiyyat qurumunu ittiham etdiyini bildirir.

Reyting.az xatırladır ki, bir neçə gün əvvəl prezident Putinin tapşırığı ilə Federal Təhlükəsizlik Xidmətinin beynəlxalq əlaqələr xidmətinin rəhbəri və onun müavini Sergey Beseda ev dustağı edilib. Bu şəxslər Putinin Kiyev və Ukrayna ilə bağlı məlumat qovluğu hesab olunurdu.

Rusiya-Ukrayna müharibəsinin üçüncü həftəsinin tamamında prezident Putin hələ də istədiyi nəticəni əldə etməyib. Keçən həftə mediada əksini tapan xəbərlərdə Putinin Ukrayna müharibəsinin uğursuz kəşfiyyat və zəif strategiyaya görə məyus olduğunu düşünərək 8 generalı vəzifəsindən uzaqlaşdırdığına dair məlumatlar var idi.

İndi bütün dünyaya məlumdur ki, Rusiya tərəfi müharibənin ilk iki həftəsində aşkar səhvlərə yol verib. Bəs bu aşkar səhvlərə görə kimi ittiham edəcəklər?

Britaniyanın “Teleqraf” qəzetinin təhlilinə görə, Putin artıq “günah keçisi”ni müəyyənləşdirib. Əvvəlki bir çox xəbərlərdə Putinin çox qəzəbli olduğu və uğursuzluğa görə Rusiya Federal Təhlükəsizlik Xidmətini (FTX) hədəfə aldığı məlum idi. Ötən günlərdə gələn bir xəbər bütün iddiaları təsdiqlədi.

Rusiyalı jurnalist Andrey Soldatovun iddiasına görə, Rusiya prezidenti Vladimir Putinin göstərişi ilə FTX-nın iki siması həbs edilib. FTX Beynəlxalq Əlaqələr Xidmətinin rəhbəri Sergey Beseda və onun müavini hazırda ev dustağıdır.

İddia olunurdu ki, kəşfiyyat orqanının iki kritik isminin ev dustağı edilməsinə səbəb 2014-cü ildən bəri ayrılan əməliyyat vəsaitlərinin mənimsənilməsidir. İddialara görə, Putin FTX-nın İstintaq Komitəsinin rəhbəri Aleksandr Bastrıkin və baş prokuror İqor Krasnovdan daha ciddi yoxlama tələb edib.

Bununla belə, “Teleqraf” qəzeti araşdırmanın Besedanın həbsi üçün sadəcə bir bəhanə olduğunu və əsl səbəbin Besedanın Ukraynadakı rolu ilə bağlı oldu iddia edilir.

FTX mahiyyətcə daxili təhlükəsizlik qurumu olsa da, onun operativ məlumat departamenti Rusiyayönlü siyasət və təsir şəbəkələri yaratmaqla, xüsusən də qonşu ölkələrdə xarici əməliyyatlar aparmaq hüququ var. Bu məqamda Beseda Kiyevdəki siyasi vəziyyətlə bağlı Putinə məlumat verən əsas mənbələrindən biri kimi görünür.

Putinin Ukraynaya müdaxiləyə qərar verərkən oxuduğu xəbərləri hazırlayan Besadanın prezidentə eşitmək lazım olanı deyil, eşitmək istədiklərini söylədiyi iddia edilir.

Digər tərəfdən, iyirmi ildir Rusiya məxfi xidmətini izləyən Andrey Soldatov qeyd edib ki, təşkilat yaxşı kəşfiyyat məlumatı toplayır, amma bunu Putinə söyləməkdən çəkinir.

“Problem ondadır ki, Rusiyada Putinə eşitmək istəmədiyi şeyləri söyləmək çox risklidir. Ona görə də onu sakitləşdirmək üçün hesabatları dəyişdirdilər”, - Soldatov açıqlamasında bildirib.

Son zamanlar Putin administrasiyasının təməl daşı olan FTX da daxil olmaqla təhlükəsizlik xidmətləri daxilində parçalanma və narahatlıq əlamətləri ortaya çıxıb. FTX analitikindən olduğu iddia edilən son dərəcə tənqidi məktublar Qərb mediasında gülmək üçün yayıldığı qeyd olunur. Sözügedən elektron məktubda Putinin təkbaşına müharibə qərarını verdiyi, onun kabineti də daxil olmaqla bir çox qurumun bu qərardan və onun nəticələrindən narahat olduğu iddia edilirdi.

Ana səhifəyə dön