Ərdoğan, Zelenski və Quterreş görüşüb: memorandum imzalanıb

Türkiyə prezidenti Rəcəb Tayyib Ərdoğan Ukraynaya səfər yola düşüb.

Reyting Türkiyə mətbuatına istinadən xəbər verir ki, Ərdoğan Lvov şəhərində BMT Baş katibi Antonio Quttereş və həmkarı Volodimir Zelenski ilə ikitərəfli və üçtərəfli görüşlər keçirəcək. Liderlərin Ukraynadakı durumu, o cümlədən taxıl ixracı prosesini müzakirə edəcəkləri gözlənilir.

Qeyd edək ki, bu, müharibə başlayandan bəri Ərdoğanın Ukraynaya ilk səfəridir.

***

Türkiyə prezidenti Rəcəb Tayyib Ərdoğanla ukraynalı həmkarı Volodimir Zelenski arasında görüş başlayıb.

Reyting.az Türkiyə mətbuatına istinadən xəbər verir ki, görüş Lvovdakı Potoçki sarayında keçirilir.

İkitərəfli görüşdən sonra BMT Baş katibi Antonio Quterreşin iştirakı ilə üçtərəfli görüş başlayacaq.

Daha sonra liderlərin birgə mətbuat konfransı keçirəcəkləri gözlənilir.

***

Türkiyə prezidenti Rəcəb Tayyib Ərdoğanla ukraynalı həmkari Volodimir Zelenski arasında görüş başa çatıb.

Reyting.az Türkiyə mətbuatına istinadən xəbər verir ki, liderlər Ukraynadakı müharibəni, o cümlədən taxıl ixracı məsələsini müzakirə ediblər.

Qeyd edək ki, V. Zelenskinin BMT Baş katibi Antoni Qutereşlə görüşü də baş tutub.

***

Avqustun 18-də Lvovda Türkiyə prezidenti Rəcəb Tayyib Ərdoğan, Ukrayna prezidenti Volodimir Zelenski və BMT Baş katibi Antonio Quterreş arasında üçtərəfli görüş keçirilib.

Reyting.az xəbər verir ki, görüş mətbuta qapalı olaraq təxminən 40 dəqiqə davam edib.

Liderlər Ukraynada müharibənin diplomatik yollarla həll olunması, “taxıl dəhlizi”nin fəaliyyəti və digər məsələləri barədə müzakirələr aparıblar.

Daha sonra tərəflər mətbuatın suallarını cavablandırıb.

Ədoğan ölkədə gedən savaşdan danışaraq qeyd edib kii, Türkiyə Ukrayna və Rusiya arasında danışıqlarda vasitəçi olmağa hazırdır:“İnanıram ki, müharibə danışıqlar masası arxasında başa çatacaq. Ukrayna Prezidenti və BMT-nin baş katibi ilə üçtərəfli danışıqlarda cəmləşməyimizin əsas məqamı müharibəni necə bitirə biləcəyimiz məsələsi olub. Bir ay əvvəl, biz - BMT, Ukrayna, Rusiya və Türkiyə müştərək tarixi işi nümayiş etdirdik. Təkcə Ukrayna deyil, bütün dünya taxılın Qara dəniz vasitəsilə dünya bazarlarına təhlükəsiz ixracını mümkün edən İstanbul sazişinin müsbət təsirlərini hiss etməyə başladı, Ukraynadakı müharibənin danışıqlar masası arxasında bitəcəyinə inanıram. Əsas problem danışıqlar masasına aparacaq ən qısa yolun müəyyən edilməsidir. Beynəlxalq ictimaiyyət diplomatik prosesi canlandırmaq üçün daha çox məsuliyyət götürməlidir".

Zelenski ilə ikitərəfli görüşdə ölkələr arasında strateji tərəfdaşlıq səviyyəsindəki əlaqələrin bütün aspektlərini dəyərləndirdiklərini vurğulayan Ərdoğan mövcud şərtlərdə əməkdaşlığı və həmrəyliyi yaxşılaşdırmaq imkanlarını müzakirə etdiklərini bildirib: “Təbii ki, təxminən 6 aya yaxın davam edən müharibə danışıqlarımızın əsas mövzusu oldu. Bu münasibətlə onun bütövlüyü və suverenliyinə dəstəyimizi bir daha vurğuladım”.

Ərdoğan Qara dəniz boyu taxılın beynəlxalq bazarlara təhlükəsiz ixracı ilə bağlı İstanbul sazişindən də söz açaraq deyib ki, bu, təkcə Ukraynada deyil, bütün dünyada müsbət təsir göstərir
Zelenski isə Rusiyanın işğalından, ölkəyə vurulan zərbədən və müdafiə tədbirlərindən söz açmaqla yanaşı, Ərdoğanla Lvovda keçirdiyi görüşdən söz açıb.

Prezident xüsusi vurğulayıb ki, sülh danışıqlarına başlamaq üçün Rusiya bütün hərbi qüvvələrini geri çəkməlidir: "Bu gün Ərdoğanın ölkəmizə səfəri bizə böyük dəsətkdir. Ümumiyyətlə, işbirliyimiz həm Ukraynanı, həm də Türkiyəni gücləndirəcək. Biz müdafiə snayesi və digər məsələlərlə bağlı da fikir mübadiləsi apardıq"

O bildirib ki, müzakirələrdə Zaporojye Atom Elektrik Stansiyası (ZAES) ətrafındakı vəziyyət və Türkiyə ilə ikitərəfli hərbi əməkdaşlıq müzakirə olunub.

BMT-nin Baş katibi isə ZAES ətrafında yaşananları vahiməli adlandırıb və hərbçilərin oradan çəkilməsinin vacibliyini qabardıb.

***

Lvovda Ukrayna prezidenti Volodimir Zelenski və Türkiyə prezidenti Rəcəb Tayyib Ərdoğanın iştirakı ilə Türkiyənin Ukraynanın müharibədən sonrakı bərpasında iştirakını nəzərdə tutan infrastrukturun bərpasına dair anlaşma memorandumu imzalanıb.

Ukrayna dövlət başçısının saytında verilən məlumata görə, sənədi Ukraynanın infrastruktur naziri Aleksandr Kubrakov və Türkiyənin ticarət naziri Mehmet Muş imzalayıblar.

“Türkiyə strateji müttəfiqimizdir. Rusiya tərəfinin dağıtdığı infrastrukturun bərpasında əməkdaşlığa hazır olduqlarına görə türkiyəli tərəfdaşlarımıza minnətdarıq. Türkiyə biznesinin yol və körpülərin, xüsusilə də Zaporojye və Kremençuq körpülərinin, eləcə də yolların tikintisi sahəsində böyük təcrübəsi var, onlar özünü etibarlı tərəfdaş kimi təsdiqləyiblər. Ona görə də artıq qısa zamanda birgə bərpanın konkret praktiki nəticələrinə nail olacağımıza ümid edirik”, - A. Kubrakov deyib.

Güman edilir ki, Türkiyənin hökumət və biznes strukturları konkret bərpa layihələri hazırlaya, həmçinin konsaltinq və texniki yardım göstərə bilərlər.

İlkin layihə kimi Kiyev vilayətinin Romanovka kəndində Buça və İrpen şəhərlərini paytaxtla birləşdirən körpünün bərpası nəzərdə tutulur. “Yaxın vaxtlarda bərpa məsələləri üzrə Ukrayna-Türkiyə Birgə İşçi Qrupu yaradılacaq və bu qrup çərçivəsində konkret layihələrə Türkiyə sərmayələrinin cəlb edilməsi mexanizmləri işlənəcək”.